Kontak Laprès:
Gabriel Riera: 305.375.1706
griera@miamidade.gov
Maile Rodriguez: 305.375.1705
maile@miamidade.gov

Mize Da Miami Ap Byen Mennen Agrandisman Ak
Ekspozisyon Mize Achitekti

Miami – 2 Oktòb 2003. Mize Da Miami (MAM) kontan prezante Mize pou yon Nouvo Milenyòm Konsèp Pwojè Bildin (Museums for a New Millennium Concepts Projects Buildings), di 3 Oktòb 2003 jiska 18 Janvye 2004. Ekspozisyon an santre sou mize achitekti kontanporen e se yon pwojè de “Art Center Basel” nan peyi Laswis. Enstalasyon Miami an desine pa achitèk lokal Rene Gonzalez e kowòdone pa Sou Direktè e Konsèvatè MAM, Peter Boswell. Ekspozisyon anbilan sa a gen ladan li dè desen, fotografi ak dè model orijinèl reprezantan vennsenk nan pi bèl achitekti resan pou mize desine pa pi gwo achitèk de syèk an syèk.

Mize da kontanporen yo se non sèlman youn nan travay konstwiksyon pi enpòtan e remakab nan domèn piblik lan, yo souvan sèvi de ajan de chanjman pou redevlopman nan kominote ki konstwi yo an. Alò, mize yo devni dè zouti efikas avèk ki vil yo pwojte yon imaj byen detèmine lè yap eseye jwenn nouvo envestisman ak touris. “Ekspozisyon sa a sèvi MAM de enspirasyon pou pwòp vizyon nou de lavni Miami,” direktè MAM lan, Suzanne Delehanty di konsa. “Anplis de bote achitekti li, mize 21nyèm syèk lan dwe sèvi kòm pliske yon estokaj travo da. Li jwe yon wol kle nan kominote an, kòm yon etablisman sivik, resous edikatif, estimulan ekonomik, ak lòt bagay ankò.”

Zèv yo ki nan “Mize pou yon Nouvo Milenyòm yo” fè resòti dè estrikti estil diferan kòmanse sou Mize J. Paul Getty nan Los Angeles ki desine pa Richard Meier, rive sou Sant Lèza Kontanporen ki fenk ouvè nan Cincinnati e pou ki tout moun ap fè lwanj lan, desine pa Zaha Hadid sou estil “avant-garde.” Ekspozisyon an enkli dè estrikti espektakilè tankou Mize Guggenheim Frank Gehry an ki nan Bilbao nan peyi Lespay ak pati an fòm zèl nan agrandisman Mize Da Milwaukee an, desine pa Santiago Calatrava, toulede enterese Miami piske yo imedyatman devni de gwo atraksyon nan kominote an e ki atire touris. Yon modèl de nouvo “Tate Modern” a Lond lan ap nan Ekspozisyon an tou. Desine pa ekip achitekti Swis lan Herzog & de Meuron, Tate Modern se yon gran siksè ki atire dè milyon de vizitè e ki kreye anviwon 2,000 djòb nan zòn lan.

Enstalasyon nan mize MAM lan, desine nan Miami pa achitèk Rene Gonzalez, soulinye aspè kle yo de yon mize 21nyèm syèk, jan ki ilistre nan etalaj desen, modèl plan ak fotografi nan pwojè Mize pou yon Nouvo Milenyòm lan, sou yon fòm ki non sèlman prezante objè an yon fason klè, men pou pèmèt tou ke dimansyon atistik lan manifeste.

Gras a gran sipò piblik lan, MAM aktyèlman nan pwemye faz planifikasyon pou agrandisman li ak Mize Park Miami, redesinaj iben ofisyèl Vil Miami an pou yon teren 9 kawo ki abandone, ak pwopriyete sou Biscayne Bay anba lavil Miami ki apatni a vil lan. Pwojè an konsiste an yon pwemye pak piblik ak dè nouvo enstalasyon moniman pou Mize Da Miami ak Mize Syans de Miami. Rezidan Miami yo te bay sipò yo a vizyon Mize Pak Miami — ki se pivo de transfòmasyon de anba lavil Miami – lè yo te vote pou kreyasyon yon bon ki te mete $3.5 milyon dola disponib pou chak mize, egale ak twa-pou-youn, pou kouvri depans planikasyon yo.

Pandan ke mize yo ap devlope nan nouvo milenyòm lan, yo jwe yon wol deplizanpli enpòtan nan prezève ak eksprime piblikman idantite inik kiltirèl pwòp rejyon yo. Rekoni toupatou nan lemonn kòm “Baryè Antre Amerik yo,” Miami inikman idantifye ak divès group etnik, ki retni pwòp idantite yo e vini ak pwòp eritaj yo. Ekspansyon MAM lan pral bay Miami yon mize da 21nyèm syèk ki pou non sèlman leve imaj vil lan, mè osi pou kreye yon kote ke tout moun kab rankontre pou fè echanj ide e kiltirèl, osibyen ke fonksyone kòm yon resous edikatif nan kominote an.

Metrize Angajman Sivik, yon piblikasyon resan de Asosyasyon Ameriken dè Mize, ki chita nan Washington, D.C. lanse defi bay mize yo pou yo devni “...yon patisipan aktif e vizib nan kominote yo, yon refij, e yon enkibatè de chanjman konfyan." MAM ap pran pawòl sa yo oserye, epi lap avanse nan vizyon liyan pou lavni. Mize pou Nouvo Milenyòn yo mete disponib yon plan ki pou sèvi de enspirasyon ak yon podyòm kote li kab kanpe pou li gade pi devan.

Mize pou Nouvo Milenyòm yo: Konsèp, Pwojè, Bilding se yon pwojè de “Art Centre Basel,” nan vil Basel nan Laswis, kowòdine sou direksyon Suzanne Greub. Konsèvatè e editè syantifik katalòg lan se Vittorio Magnago Lampugnani ak Angeli Sachs, de Enstiti pou Listwa ak Teyori Achitekti nan Enstiti Federal Swis de Teknoloji, nan vil Zurich.

LÒT PWOGRAM SIMILÈ:

Seri Konferans Achitèk yo:
PÈSPEKTIV TWA ACHITÈK

Rafael Viñoly
Mèkredi, 8 Oktòb
11:30am – 1:30pm
Rafael Viñoly fè etid li ak pratike achitekti an Ajantin anvan li te vin viv o Zetazini. Mr. Viñoly diskite de pwojè aktyèl li yo enkli Mize Da Tampa.
JW Marriott, 1111 Brickell Avenue, Miami
Anrejistreman: 11:30am
Dejene a Midi / Koze de12:30pm a 1:30pm
Manm MAM yo: $40 / Antre jeneral: $45

Terence Riley
Jedi, 16 Oktòb
7pm – 8pm
Konsèvatè prensipal pou achitekti ak desen nan Mize Da Modèn nan New York lan diskite de kèlke nan pwojè prensipal mize yo nan Mize pou Nouvo Milenyòm yo. Pwogram lan te devlope pa MAM an kolaborasyon ak “Arango Design Foundation.”
Mize Da Miami, 101 W. Flagler St., Miami
Manm Mize yo gratis / Antre jeneral konferans lan gratis ak
$5 rantre mize an.

Daniel Libeskind
Vandredi, 12 Desanm
7:30pm
Desinatè nouvo plas “World Trade Center” a nan New York ak Mize Jwif nan Berlin, ki se yon mize selèb, Mr. Libeskind diskite toulede pwojè yo osibyen ke plan pou agrandi Mize Da Denver. Konferans sa a se yon kolaborasyon de Mize Da Miami, Branch Miami de Enstiti Ameriken dè Achitèk, Klib Achitekti Miami, Branch “Gold Coast” de Asosyasyon Ameriken de Planifikasyon, ak “Wolfsonian-FIU.”
Lincoln Theatre, 541 Lincoln Road, Miami Beach
Anrejistreman: 7pm
Diskisyon a 7:30pm
Manm MAM yo: $10 / Antre jeneral: $15

DEZYÈM SAMDI YO GRATIS POU LAFANMI YO
Aktivite pratik amizan pou timoun yo ak paran yo. Chak dezyèm Samdi di mwa
1pm – 4pm Gratis

Samdi, 11 Oktòb
Pak an Papye: sèvi ak papye koulè pou desine yon nouvo Pak Bisantnè avèk yon mize da ak jaden eskilti.

Samdi, 8 Novanm
Mize Mayifik: sèvi ak yon varyete de materyèl pou fè yon modèl de mize da fantezi w.

Samdi, 13 Desanm
Koleksyon koul: sèvi ak dè imaj de zèv atistik pou etale pwòp ekspozisyon w.

Samdi, 10 Janvye
Jaden Eskilti Nyè: sèvi ak tè ajil, pwodwi pou netwaye fè tiyo ak lòt materyèl pou kostwi pwòp jaden eskilti w pou MAM nan Pak Bisantnè an.

ENSTITI POU PWOFESÈ YO
Jedi 9 Oktòb
4:30pm — 7:30pm
Eksplore estrateji edikatif e konekte sou menm sikwi sa a pou nou wè travo da yo ki ekspoze nan Mize pou Nouvo Milenyòm yo. Ouvè a pwofesè Lekòl Nasyonal Konte Miami-Dade (M-DCPS) yo, pwofesè lekòl prive yo, paran ki anseye timoun yo lakay yo, ak elèv fakilte/inivèsite yo. Gen senk “TEC points” disponib a pwofesè M-DCPS ki konplete pwogram yo.

$10 pou manm MAM yo ak elèv fakilte/inivèsite (ak kat didantite valid); $20 pou moun ki pa manm.

VIZIT GIDE LEKÒL YO
Madi — Vandredi
10am – 1pm
Ak rezèvasyon. Rele 305.375.4073
Pwofèsè galeri MAM yo gide klas yo pou vizite ekspozisyon an.

“JAM at MAM”
“ Happy hour” nan yon anbyans atistik. Mizik, kòktèl ak òdèv. Chak twazyèm Jedi di mwa, 5pm – 8:30pm. Pandan tout tan ekspozisyon Mize pou yon Nouvo Milenyòm yo, sware “JAM at MAM” yo pral gen ladan yo dè konferans estimilan ak ti koze galeri sou sijè ki gen rapò ak ekspozisyon an.
Manm MAM yo gratis / Rantre jeneral gratis ak $5 rantre mize an.

Jedi, 16 Oktòb
Konferans pa Terence Riley
7pm – 8pm
Konsèvatè prensipal de achitekti ak desen nan Mize Da Modèn nan New York diskite de kèlke nan pwojè prensipal nan Mize pou Nouvo Milenyòm yo. Pwogram lan te devlope pa MAM an kolaborasyon ak “Arango Design Foundation.”

Jedi, 20 Novanm
Koze Achitèk Galeri
Achitèk nan zòn Miami yo ak pwofesè achitekti yo de “Florida Atlantic University,” “Florida International University,” ak “University of Miami” diskite sou dè pwojè seleksyone ak sijè nan ekspozisyon an. Koze Achitèk Galeri devlope an kolabarasyon ak Klib Achitekti Miami AIA.
6pm - 6:30pm Rene Gonzalez, AIA
6:30pm - 7pm Michael Kerwin, AIA
7pm - 7:30pm Margi Glavovic Nothard

Jedi, 18 Desanm
Koze Achitèk Galeri
6pm - 6:30pm Rafael Sixto, AIA
6:30pm - 7pm Bernard Zyscovich, AIA
7pm - 7:30pm Jason R. Chandler, AIA

Jedi, 15 Janvye
Koze Achitèk Galeri
6pm - 6:30pm Jean-François LeJeune
6:30pm - 7pm Carlos Prio-Touzet, AIA
7pm - 7:30pm John Kneski, AIA

ENFÒMASYON

LÈ YO
Madi-Vandredi10am a 5pm, twazyèm Jedi jiska 9pm,
Samdi ak Dimanch midi a 5pm. Fèmen Lendi.

Frè Rantre
Manm MAM yo, timoun ki poko gen 12 an laj ak elèv yo (avèk kat didantite) gratis, adilt $5, grandèt $2.50. Dezyèm Samdi chak mwa gratis pou lafanmi.

DIMANCH YO GRATIS
Rantre gratis jou Dimanch yo de midi a 5pm.
Patwone pa Miami Herald/El Nuevo Herald.

Telefòn
305.375.3000
305.375.1725 Faks

Pakin an tout sekirite
Pakin kouvri “Cultural Center Parking Garage/Metro Dade Center Garage” lan ap sou bò dwat w sou 50 NW 2nd Avenue. Pakin lan nan kote lwès bò mize an. Pran elevatè ale nan dezyèm etaj epi travèse pasaj pyeton ki kouvri an pou rive nan “Cultural Plaza” a.

Miami Art Museum (Mize Da Miami)
101 W. Flagler St Miami
(305) 375-3000
(305) 375-1725
www.miamiartmuseum.org

Akredite pa Asosyasyon Ameriken dè Mize, Mize Da Miami resevwa fon prive ak leta. Pliske 50 pousan de sipò anyèl li soti nan kòporasyon, endividi, fondasyon ak manm MAM yo. Mize

Da Miami patwone an pati pa Leta Florid, Depatman Deta, Seksyon Afè Kiltirèl ak Konsèy Lèza
Florid, ak “National Endowment for the Arts”; ansanm ak sipò Depatman Afè Kiltirèl Konte Miami-Dade, Konsèy Afè Kiltirèl, Majistra a ak Asanble Konmisyonè Konte yo.

Top